Arestado si alyas ‘Kwa-Kwa’ matapos makuhaan sang suspected shabu sa buy bust operation nga ginpatigayon sang CDEU sa Roxas Ave., Prk. Lilac, Brgy. 40, Bacolod City pasado alas-7:35 sini nga gab-i, Oktubre 2, 2025.
Ang suspetsado ginkilala nga si Ullomodin Akil, 41-anyos kag residente sang Purok 13, Brgy Mandalagan, Bacolod City.
Base sa report sang CDEU, narekober gikan kay Akil ang kapin 100 grams sang suspected shabu nga may standard drug price nga P680,000.
Sa karon, yara na sa kustodiya sang kapulisan ang suspetsado para sa nagakaigo nga disposisyon.