Nagpatigayon sang inspection sa mga government building sa ciudad sang Bacolod ang City Disaster Risk Reduction Management Office (DRRMO), kaupod ang City Engineer’s Office (CEO), kag Office of the Building Officials (OBO) kasunod sang linog kagab-i, September 30.
Base sa pahayag ni DRRMO Head Dra. Ma. Laarni Pornan, sa ginpatigayon nga inspection sa Bacolod City Government Center (BCGC) wala sang may nakita nga structural damage kag ini ang ginkabig nga safe sa nagluntad nga linog, apang sila ang may nakita nga hairline crack sa pila ka bahin sang building apang suno sa CEO ini ang daan na nga litik.
Samtang suno naman kay CEO Head Engr. Loben Ceballos, ang desinyo sang BCGC ang may yara sang sesmic gap kun sa diin ini ang makabulig kun may yara sa pagtay-og ukon linog, nga makabig nga ang establisyemento ang isa ka “earthquake resistant building.”
Magluwas sa BCGC, ila man gintsekyar ang pila ka mga government builing sa ciudad kaangay sang Bacolod City Police Office (BCPO), Bacolod City College (BCC), City Health Office (CHO), kag iban pa.
Gina-enganyo man ang mga private establishment nga magpatigayon sang assessment kag magkuha sang safety officer ukon structural services agod matsekyar ang ila lugar.