BACOLOD CITY- Natalana nga magapalab-ot sang bulig ang Bacolod City Local Government Unit sa mga naapektuhan sang linog sa Cebu ilabi na sa Bogo City.
Base sa pahayag ni Mayor Greg Gasataya, iya igabalay sa council ang sarang nga ma bulig sang ciudad sa Bogo City.
Pagatsekyaron man sang alkalde ang budget office agod maka-alokar sang pundo para direkta mahatag sang ciudad ang bulig sa LGU.
Possible man magalansar sang donation driver ang ciudad para sa mga apektado sang linog kag pagatingwaan nga makaupod ang mga Non-Governmental Organization kag iban pa nga grupo.
Plano man sang alkalde nga magakuha sang direct hotline kag detalye nagikan sa Cebu para naman sa mga Bacolodnon nga luyag magpadala sang bulig pinansyal.