Nakuhaan sang ginaalegar ilegal nga droga nga nagabalor ₱476,000 ang isa ka indibidwal nga ginakabig High Value Individual (HVI) sa ginpatigayon nga drug buy-bust operation sang City Drug Enforcement Unit (CDEU) alas-5:49 sang hapon, Oktubre 1 sa dalan St. Therese, Brgy. Taculing, ciudad sang Bacolod.
Ang subject sa buy-bust amo ang BADAC listed nga si alyas “Bebe”, 44-anyos, kag residente sang Purok Yanson, Barangay 18 sang nasambit nga ciudad.
Suno sa report sang CDEU, nagabug-at sang 70 gramos ang narekober nga droga.
Yara na si alyas “Bebe” sa kustodiya sang otoridad para sa nakaigo kga disposisyon.