WORLD NEWS- Nautas ang kabuhi sang kapin 25 ka mga sumilimba matapos narumpag ang ginakay-o nga simbahan sa Amhara region sa pungsod Ethiopia. Nahibaluan nga ang mga sumilimba ang nagtipon sa Menjar Shenkora Arerti Mariam Church para sa pagselebrar kay St. Mary nga kabahin sang annual event sa lugar. Suno sa pila ka mga saksi, madamo sang mga sumilimba ang nagsaka sa scaffolding nga himo sa kahoy sang narumpag ang estraktura. Ginpahayag ni Teshale Tilahun, ang local administrator, nga possible magasaka ang death toll matapos ang nagluntad nga trahedya. Magluwas sa mga nagtaliwan, pilason naman ang kadam-an kun sa diin pila sa ila ang padayon nga ginabulong sa ospital.
