BACOLOD CITY- Ginaduso sa Bacolod City Council ang ordinansa nga maga-require sang konsultasyon sang Local Government Unit (LGU) antes magpatuman sang infrastructure project.
Ginpahayag ni Coucilor Atty. Caesar Distrito, Chairperson sang Committee on Ways and Means kag author sang proposed ordinance, iya ginaduso nga magpatigayon sang konsultasyon kag koordinasyon sa LGU sa tanan nga mga national government infrasture projects antes ang implementasyon sini sa ciudad.
Sa tunga sang issue nga gina-atubang sang Pilipinas angot sa mga proyekto sang national nga wala ginakoordinar sa LGU, isa sa mga nakita ni Distrito nga solusyon amo ang pagpasar sang ordinansa kaangay sini kun sa diin ang Sangguniang Panlungsod ang maga-issue sang Resolution of No Objection (RONO) sa kada proyekto.
Kun wala nag-issue sang RONO ang SP, makonsiderar nga indi full compliance ang amo nga proyekto.
Ang katuyuan sang pagduso sang ordinansa nga mabal-an sang LGU kag mangin bukas sa publiko ang kada proyekto bangod ini ang igapublish sang konseho, kag magapatuman sang full transparency sa tanan nga national project.