Magahatag ang Office of the President sang P200 Million nga balor sang ayuda para sa probinsya sang Cebu nga sentro kag lubos nga apektado sang magnitude 6.9 nga linog nga nagluntad tinalikdan nga Martes, Setyembre 30.
Ang paghatag sang bulig ang ginpahayag mismo ni President Bongbong Marcos sa situational briefing sa iya personal nga pagpadulong sa lugar kahapon kaupod si Cebu Governor Pamela S. Baricuatro kag iban pa nga mga opsiyales.
Suno sa President, makabaton sang P50 million ang kabug-usan nga probinsya sang Cebu samtang tag-P20 million naman para sa Bogi City kag mga banwa sang San Remigio kag Sogod.
May tag-P10 million naman ang Medellin, Bantayan, Daanbantayan, Madridejos, Santa Fe, Tabogon, kag Tabuelan
Dugang pa, may-tagP5 million naman ang tagsa ka mga ospital nga ginadumala sang LGU kag P20 million para sa isa ka ospital nga panag-iya sang Department of Health (DOH) sa probinsya.