Ginpaidalom karon sa yellow alert ang Visayas Power Grid matapos nga nagpatuman sang forced outage sa pila ka mga power plants kasunod sang 6.9 magnitude nga linog nga nag-igo kagab-i, September 30,2025 sa Bogo City, Cebu.
Sa ginpagwa nga advisory sang National Grid Corporation of the Philippines (NGCP) as of 8 am subong nga adlaw, nag-umpisa la—una sang hapon kahapon ang Visayas Grid kag ini ang naglawig tubtob las-12 kaina sang kaagahon.
Ang yellow alert ang gina-isyu kon ang operating margin ang indi na supisyente sa kinahanglanon sang transmission grid.
Suno sa NGCP, 27 ka planta ang gin forced outage bangud sang makusog nga linog nga amo ang nagresulta sa pagkadula sang 1,444.1 MW power supply halin sa Visayas grid.
Ginpahayag nga antis pa man ang linog, may 16 na ka mga power plants ang indi sarang makuhaan sang supply samtang isa naman ang naganubo ang capacity.
Sa kabug-usan, kapin 1654.7 MW ang indi available sa grid karon.
Nahibaluan nga ang Visayas grid ang may available capacity nga 1,888 megawatts apang ang peak demand nagalambot sa 1,839MW.