PROVINCIAL CAPITOL – Nagdangat sa walo katawo ang ginbawian sang kabuhi sa Negros Occidental bangud sang masakit nga Leptospirosis.
Ini ang base sa pinakaulihi nga report sang Provincial Health Office sandig sa ila nga monitoring humalin Enero 1 tubtob Setyembre 20, 2025.
Sa karon, nagdangat na sa 137 ka mga Negrense ang nabalhag nga nag-angkon sang Leptospirosis, nga makuha sa ihi sang ilaga.
Ini ang 51 cases nga mas madamo ukon 59.30% nga mas mataas kun ikumparar sa na-record nga 86 cases sang kaangay nga period sang tuig 2024.
Angot sini, nagapanugyan si Provincial Health Officer Dr. Girlie Pinongan sa publiko, ilabi na ang mga nagaubog sa baha kaangay sang mga rescuers, nga magsuksok sang proteksyon sa tiil.
Kun indi malikawan, gilayon magtomar sang prophylaxis agud makalikaw sa balatian.