BAGO CITY- Barato ang baligyaanay sang bugas sa Bago City Public Market, base sa pagtsekyar sang DYHB patrol komparar sa presyo sa ciudad sang Bacolod.
Ginpahayag sang isa ka vendor sa amo nga merkado, ang lokal rice ang sarang mabakal sa P32 kada kilo tubtob P41.
Sarang makabakal sa merkado sang tag P1,600 nga kada sako sang bugasi kag may yara man sang tag P1,700.
Samtang sa bahin naman sang imported nga bugas ini ang nagapresyo sang kapin P50 ang kada kilo; ang local red rice naman ang yara sa P50 ang kilo; kag ang pilit nga bugas ang yara sa P58 ang kada kilo.
Nahibaluan nga ang Bago City ang rice granary sa probinsya sang Negros Occidental.