BACOLOD CITY- Narekober sang Bacolod City Police Office sa isa ka lalaki ang granada kag ₱1,496,000 nga balor sang ginapatihan shabu, pasado las-11 sang gab-i, sa nauna nga adlaw sang Masskara Festival 2025, October 1.
Ang suspek ang ginkilala nga si “Anthony”, kag residente sang Barangay 2 sa amo nga ciudad.
Base sa rekord sang BCPO, nadakpan ang suspek sang ini ang nagtinguha nga maglikaw sa checkpoint nga ginapatigayon sang Bacolod City Mobile Force Company (BCMFC) kag Police Station 2 samtang ini ang sakay sa motorsiklo nga wala sang side mirror kag wala sang suksok nga helmet.
Gintingwaan sang suspek nga magpalagyo apang ini ang naharangan sang kapulisan kag may nahulog sa iya nga possession nga kwarta kag 220 grams sang ginapatihan shabu.
Narekober man kay Anthony ang isa ka hand grenade.
Preso sa karun sa Police Station 2 kag magapangatubang sang kaso nga paglapas sang Section 11, Article II of RA 9165 kag paglapas sa RA 9516 for Illegal Possession of Explosive.