Ginpaathag sang Philippine Volcanology and Seismology (PHIVOLCS) nga nagkalain-lain nga fault lines ang nag-trigger sa linog nga nagluntad sa Cebu Province kag Davao Oriental tinalikdan nga semana.
Sa interview sang DYHB kay Phivolcs Chief Science Research Specialist Ma. Antonia Bornas, ginpahayag sini nga indi konektado ang duha ka mga linog, liw-as sa mga impormasyon nga mabasahan sa social media.
Sa pihak nga bahin, ginklaro man ni Bornas ang mga nagalapta nga posts naangut sa Apolaki Caldera sa diin nakasaad diri nga magatuga sang isa ka dako nga halit ilabi na sa Luzon kun magalupok ini.
Suno kay Bornas, matuod nga madamo sang mga bulkan sa idalom sang baybay apang base sa pagpanalawsaw sang mga Geophysicists, ila nakita nga ang structure sini ang kaangay sa benham rise sa diin may mga volcanic plateau nga makita diri.
Ugaling lang, wala nagalupok ang inj nga Apolaki Caldera kag ang pinakatayog lang sini nga maubra amo ang magbuga sang lava.
Ini bangud nga nahamtang ini sa madalom nga parte sang dagat kag mabug-at ang pressure sang tubig nga nagapalibot diri.