Magasugod na ang road closures sa Dalan Lacson, Bacolod City sumugod sini nga adlaw, Oktubre 13, 2025.
Suno kay Atty. Reuben Sabig, head sang Bacolod Transport and Traffic Management Department (BTTMD), halin Oktubre 13-15, may patigayunon nga half road closure sugod las-7 sang gab-i tubtob las-6 sang aga.
Ini para sa pagsugod na set-up sang mga stage kag kiosks sa Lacson Tourism Strip para sa Masskara Festival.
Sa Oktubre 16, may yara naman sang full road closure nga magasugod la-una sang hapon.
Samtang sa Oktubre 17-19, may full road closure man sa Dalan Lacson nga magasugod las-2 sang hapon tubtob las-3 sang kaagahon. Nahibaluan nga sa Oktubre 17-19, magabukas ang mga kiosks, kag magapatigayon sang brand kag entertainment events.
Sa aga sang Oktubre 17-19, sarang malabayan ang Dalan Lacson bangud wala sang stage nga maga-fully occupy sang bilog nga dalan, suno kay Atty. Sabig. | DYHB News