BACOLOD CITY- Sa 26 ka mga establisyemento nga ginpangayuan sang CCTV footage sang Bacolod City Police Office (BCPO) angot sa kaso ni Freya Mae Go, apat pa lamang ang nakahatag.
Ginpahayag ni BCPO Director Police Colonel Joeresty Coronica, sa pagpatigayon sang forwardtracking kag backtracking sang kapulisan angot sa kaso ni Freya dako nga bulig ang CCTV footage.
Apang isa sa mga challenge sa mga kapulisan amo ang kadugay nga paghatag sang mga business establishment sang kopya sang CCTV nga possible nasiplatan si Freya antes ini nasapwan nga wala sang kabuhi sa reclamation area sakop sang Barangay 12 sang tinalikdan nga Oktubre 22.
Suno kay Coronica, apisar nga may gintanyag nga ₱100,000 nga reward ang Bacolod Local Government Unit sa kun sin-o ang makatudlo sa suspek sa krimen, wala pa sa gihapon sang may nagtuhaw nga witness agod maghatag sang impormasyon.
Nagaapelar ang city director sa nga business owners nga magakooperar agod masolbar ang kaso sa kamatayon ni Freya.