Igapalubong na lang gilayon ang pito ka tuig nga bata nga lalaki nga nasalabat sa engkwentro sa Sitio Agogolo, Brgy. Macagahay banwa sang Moises Padilla las-8:30 kagab-i, October 28,2025.
Ang Grade 1 pupil nga biktima ang naiguan gid sa ulo sang armas luthang sang natabo ang kinagamo sa tunga sang Philippine Army kag New People’s Army (NPA).
Sa interview sang DYHB kay Moises Padilla Vice Mayor Pimpoy Yulo, ginpahayag sini nga nahamtang sa lower ground ang balay sang biktima samtang sa ibabaw naman ang ilinaway, rason nga naiguan ini sang ginapatihan stray bullet.
Bangud sang sitwasyon sang bata, ginpakamaayo sang ginikanan sini nga indi na pag-ihaya pa ang iya bangkay kag idiretso na lang palubong.