Isa ka bag-o bun-ag nga bata ang ginbawi-an gid sang kabuhi matapos gin-report nga ginhulog ini halin sa 40 feet nga bintana sang iya mismo lima katuig nga magulang sa isa ka building sa Vasilyevo village, Russia.
Suno sa mga otoridad, natabo ang trahedya sang ginbilin sang ila iloy ang duha ka mga bata sa balay samtang ang iya bana yara sa trabaho.
Ang insidente ang una nakita sang mga nagalabay ini matapos nga nakabati sila sang hibi ka bata nga babayi halin sa 4th floor kag sa ila paglantaw sa dalan, ila nakita ang baby nga wala na naga-giho sa idalom.
Suno sa mga saksi, halos nangluya ang ila tuhod sa ila nakita nga sitwasyon sang lapsag.
Ginkumpirmar sang mga paramedic nga nagtaliwan gid ang 21-days old nga baby.
Suno sa Russian Investigative Committee,criminal case ang sarang pangatubangon sa nasambit nga insidente kag ang ila iloy karon ang nagaatubang sang posibilidad nga mapriso.
Ginausisa man sang mga imbestigador kun ang lima ka tuig nga bata ang nag-selos sa manghod sini rason nga iya ini ginhaboy.
Subong man ila gina-imbestigaran ang iloy kun ngaa bala ginbayaan sini ang iya mga anak.
May isa ka-report man nga nagsiling nga nagpadulong ang iloy sa balay sang iya nga abyan sadtong natabo ang insidente.