TALISAY CITY- Napreso sadto sang napulo ka tuig ang isa sa tatlo ka bangkay nga nasapwan sa ciudad sang Talisay sang tinalikdan nga Agosto 11.
Ang biktima ang ginkilala nga si Mars Relles, 48-anyos, residente sang Purok Pedring, Barangay Estefania sa ciudad sang Bacolod.
Ginpahayag ni Police Regional Office- Negros Island Region Spokesperson Police Lieutenant Colonel Joem Malong, ang biktima ang nakaagi preso sang napulo ka tuig sa kaso nga murder kag paglapas sa Republic Act 10591 ukon Comprehensive Firearms and Ammunition Regulation Act.
Nahilway sa presohan si Relles sang tuig 2023.
Samtang, nangin biktima naman si Relles sang Marso 2025 sa isa ka stabbing incident ukon pagpamuno sa Brgy. Estefania sa ciudad sang Bacolod.
Madumduman si Relles, ang ikaduha nga bangkay nga nasapwan pasado las-2 sang hapon sa Hacienda San Isidro, Brgy. Concepcion.
Sa karun padayon ang imbestigasyon sang Talisay City Police Station angot sa mga nagkalasapwan nga bangkay.