Nagpatigayon sang meeting ang mga katapo sang Department of Public Works and Highways (DPWH) sa Negros Island Region agud nga e-asses ang mga flood control projects nga ginpatuman sa rehiyon humalin sang 2022.
Ini ang ginkumpirmar ni Bacolod City Congressman Albee Benitez may angut sa panawagan ni President Bongbong Marcos nga pa-imbestigaran sang ahensya ang tanan nga mga flood control projects.
Ginpahayag ni Congressman Albee, ang tag-iya sang Legacy Construction Corporation nga kabahin sang Top 15 nga gin-awardan sang gobyerno sang flood control projects ang taga-Victorias kag isa ka homegrown contractor.
Suno sa Kongresista, 22% sang proyekto ang gin-award sa Legacy kag ang anum ka mga proyekto sa Bacolod ang yara sa idalum sang korporasyon.
Pahayag ni Benitez, gikan sa anum, lima na ka projekto ang natapos sang Legacy samtang isa diri ang manug-tapos.
Pagklaro sini, ang Top 15 ka mga contractor nga ginpresentar ni PBBM sa publiko ang wala na mensyunar nga may anomaliya apang paathag sini nga gusto man sang presidente nga hatagaan sang syansa ang mga HomeGrown Contractors sa pungsod nga magpartisipar.
Madumduman nga ang tikang sa pag-assess sang mga flood control projects ang isa sa mga nangin sentro sang State of the Nation Address (SONA) ni President Marcos nga luyag sini pasabton ang mga opisyal ukon kontraktor nga imbolbado sa mga proyekto nga indi nangin ‘productive’ suno sa presidente.