Pormal na nga ginbuksan ang 105.3 iFM Vigan, sini nga adlaw Agosto 12, 2025.
Ini na ang ika-44 nga station sang Radio Mindanao Network (RMN) kag ang ika-walo nga estasyon sa bahin sang Luzon.
Ang pormal nga pagbukas sang estasyon ang ginpangunahan sang mga opisyal sang RMN Head Office sanday Mr. Eric S. Canoy, RMN President & CEO; asawa sini nga si Ms. Desiree Canoy kaupod sanday RMN EVP & COO, Mr. Enrico Guido Canoy; RMN MMV EVP & COO Ms. Erika Canoy Sanchez.
Nalakip man diri sanday RMN VP for Integrated Marketing Communications and New Media, Mr. Enrique Canoy; Madame Clara Canoy nga RMN Corporate Treasurer at matriarch sang Canoy family; kag si Ms. Ma. Teresa Canoy Sambile.
Sa iya nga mensahe, ginhatagan pagtamod ni Mr. Eric S. Canoy ang padayun nga adbokasiya sang RMN nga palaparon pa ang malab-ot sang radyo agud madul-ong ang dekalidad nga balita, impormasyon kag musika sa mas madamo nga mga Pilipino.
Dugang pa sini nga tuyo sang RMN nga maka-angkon sang 50 ka estasyon sa Pilipinas sa kadungan sang ika-75 sini nga anibersaryo.
Ang pagbukas sang iFM Vigan ang ginalauman magahatag sang mas malapad nga oportunidad sa komunikasyon, serbisyo publiko kag kalingawan sa mga Ilocano kag kaiping sini nga mga probinsya sa Nothern Luzon.
CONGRATULATIONS, iFM Vigan!