Nagmando ang Bangko Sentral ng Pilipinas (BSP) sa mga e-wallet ukon digital wallets nga mag-unlink ukon kakson ang ila in-app links nga nagakonekta sa mga user nga maka-access sa online gambling platforms.
Gin-anunsyo ni BSP Deputy Governor Mamerto Tangonan ang amo nga mandu sa ginpatigayon nga hearing sang senate committee sa games and amusement nga nakatutok sa paghinun-anon sang mga tikang sa pag-regulate ukon pagdumili sang online gambling sa pungsod.
Apang ginkwestyon sang pila ka mga senador kun ngaa padangaton pa sang BSP tubtob Sabado, Agosto 16 ang pagpa-unlink.
Ginpahayag naman ni Tangonan nga luyag sini nga hatagan sang oras ang mga e-wallets nga i-take down ang mga in-app links kag icons kag agud nga mahatagan man sang oras ang mga kunsomidor nga i-withdraw ang ila kwarta sa ila online gaming accounts.