Makabig nga dako kag maayo nga butang ang pagdeklarar sang Sugar Regulatory Administration (SRA) nga class “B” ukon Domestic Sugar ang tanan nga kalamay sini nga 2025-2026 crop year.
Sa interview sang DYHB kay Sugar Industry Advocate kag 5th district Congressman Atty. Dino Yulo, ginpahayag sini nga sa mga nakaligad nga tuig, ginakulang ang domestic supply ilabi na kun magpagwa sang “A sugar,” gani nagakadapat lang nga sufficient ang domestic supply para sa domestic demand.
Dugang pa ni Yulo mga wala karon sang data nga nagapakita sang domestic consumption. Apang kun “Actual withdrawal” halin sa mga bodega ang basehan, yara sa 2.2 million ang demand nga narekord sa sulod sang pila na katuig sa diin kabos pa gani ini sa gihapon.
Suno pa kay Atty. Yulo nga importante nga aton ini mabalanse ang dynamics sang agrikultura kag indi na magsalig pa sa imported sugars.
Pahayag sang konggresista nga madamo sang maayo nga variety sang patdan ang yara subong sa SRA kag importante gid nga mahatag ang ini nga mga high yielding varieties sa magagmay nga mga farmers bangud nga masarangan man ini baklon sang mga big planters.
Sa pihak nga bahin, ginpahayag ni Atty. Yulo nga nag-apply ini sa isa ka komitiba nga nagatutok sa sektor sang agrikuktura sa 20th congress agud gilayon nga masabat ang ano man nga concern sa bilog nga probinsya sang Negros.