Magapangatubang sang kaso nga Qualified theft ang isa ka babayi nga taga Bacolod City matapos ini gindagdagan sang kapin 40 ka mga arrest warrants matapos sini ginkawat ang remittances sang mga ahente sang kumpanya nga iya ginatrabahuan.
Ang babayi ang naga edad 30-anyos kag residente sang Barangay Cabug.
Sa interview sang DYHB kay Police Station 10 Commander PCapt. Glenn Montaño, ginpahayag sini nga nagalab-ot sa P900K ang ginlastra sini nga kwarta sa diin sa sulod sang tatlo ka tuig, nagapalapaw ini sa mga gina-remit sa iya.
Ginpahayag sang kapulisan nga nag-umpisa ini sang nag-testing hampang scatter ang suspek kag sang nalingaw ini, halos wala na sang may mabilin pa sa iya sweldo amo kun ngaa nahilabtan gid sini ang mga ginaduhol nga kwarta sa iya.
Dugang pa ni Montaño nga posible magbayad sang tubtob P1 million ang kinahanglan sini nga bayaran para sa iya temporaryo nga kahilwayan.