Bug-os ang suporta nanday Negros Occidental Police Provincial Office Director Police Col. Rainerio de Chavez kag Bacolod City Police Office Director Police Col. Joeresty Coronica sa pagapatigayunon nga Negros Press Club (NPC) 3k-5k Fun Run for a Good Cause: “Pressing Forward!” sa Provincial Capitol Grounds sa Bacolod City, Negros Occidental sa maabot nga August 31, Domingo.
Sanday De Chavez kag Coronica ang pareho nga magaupod sa mga runners, pila ka police personnel kag force multipliers subong man mga katapo sang nagkalain-lain nga media organizations nga kabahin sang Negros Press Club sa idalom sang liderato ni NPC President Mark Salanga.
“Ang inyo gamay nga bulig, ang inyo dalagan makabulig sa inyo ikaayong lawas kag makabulig man kamo sa miyembro sg NPC nga media practitioners,” pahayag ni Salanga.
“Proceeds of our first-ever fun run will support our club member’s medical needs.”
Agud magpa-rehistro, mag-direct message gid lamang sa social media page “Negros Press Club – NPC Inc.”, ilakip ang inyo personal details kaangay sang name, age, address, email, contact number, category, singlet size, kag proof of GCash payment sa 09399164089 Nona Magbanua.
Ang registration cost yara sa P600 nga lakipan na sang singlet, acrylic medal, race bib, kag snacks.
Para sa dugang nga kasayuran, mag-contact kay contact Maureen Soliguen sa 09511917185.
Ang registration extended tubtob sa August 28.* (PR)