TALISAY CITY- Tuga sang pagpangluthang ang nangin kamatayon sang duha ka lalaki nga nasapwan sa Barangay Concepcion sa ciudad sang Talisay sang tinalikdan nga Agosto 11, base sa post mortem examination.
Madumduman ang mga biktima ang ginkilala nga sanday Mars Relles nga residente sang Brgy. Estefania sa ciudad sang Bacolod, kag alias “Kokoy”, residente sang Candoni apang tumandok sang San Enrique.
Ginpahayag ni PLtCol. Alvin Christopher Baybayan, hepe sang Talisay City Police Station, pareho nga nakaagom ang duha ka biktima sang multiple gunshot wounds sa ila mga ulo nga gintunaan sang ila kamatayon.
Ginalantaw sa karun sang kapulisan nga possible pagtimalos ukon personal nga kaakig sa kay Relles ang motubo sang krimen kag nadalahig lamang si Kokoy.
Sa karun nagapadayon ang case build up kag pagproseso sang awtoridad sa mga person of interest agod sila ang mafilan sang nagakaigo nga kaso.