Naga-isahanon nga opisyal si Negros Occidental 3rd District Congressman Javi Benitez nga nagpirma para sa petisyon kag panawagan sang Mayors for Good Governance para sa full transparency, accountability kag hustisya sa mga Flood Control Projects.
Tinutuyo sini nga pangabayon ang Department of Public Works and Highways kag iban pa nga mga ahensya sang gobyerno nga ipagwa ang mga detalye sang nationwide flood control projects kag naga-demand sang transparency sa tunga sang padayon nga mga akusasyon sang korapsyon sa idalum sang mga proyekto.
As of 8pm, subong nga gab-i, Agosto 19, kaupod ni Congressman Javi nga nagpirma ang 44 ka iban pa nga mga alkalde kag mga former Mayors.
Kabahin man ini sang pagsuporta sang mga opisyal sa direktiba ni President BongBong Marcos nga pa-imbestigahan ang P350 billion nga flood control projects nga isa sa mga nangin sentro sang ika-apat sini nga State of the Nation Adress (SONA) tinalikdan nga Hulyo 28.
Ginpanawagan man sini ang gilayon nga pagpaguwa sang mga project documents, lakip ang mga Programs of Work, Detailed Unit Price Analyses, Bill of Quantities, Feasibility Studies kag pagpahayag sang mga contractors sa likod sang multi-billion-peso infrastructure projects.