Yara sa kapin 60 porsyento ang ilegal nga online gambling sites nga pwede ma-access sa Pilipinas suno sa Philippine Amusement and Gaming Corporation (PAGCOR). Ginpahayag ni PAGCOR Chairperson Alejandro Tengco nga naga-operate ang ang ini nga mga site sa iban nga pungsod kag gina-target sini nga mga kustomer amo ang mga Pilipino. Ang ini nga mga illegal site ang gikan sa nagkalain lain nga pungsod pareho sang Russia, Dubai, Abu Dhabi, Cambodia, kag bisan sa Singapore. Ini ang mga na-trace sang Department of Information and Communications Technology (DICT) kag Cybercrime Investigation and Coordinating Center (CICC). Aminado si Tengco nga tuman ka budlay nga mapunggan ang mga illegal gambling sites dala sang teknolohiya. Sa karon, padayon ang pagkoordinar sang PAGCOR sa DICT, CICC, Philippine National Police kag National Bureau of Investigation agud nga matapna ang mga ilegal nga gambling site.
