Nagahanda na ang mga nagkalain-lain nga ahensya sang gobyerno sa pagpanguna ni Bacolod City Lone District Congressman Albee Benitez para sa patigayunon nga Flood Control Summit sa Setyembre.
Bilang kabahin sang preparasyon, ginhiwat ang preparatory meeting nga gintambungan sang Bacolod City Government, DPWH, DILG, DOST, OCD, DENR, DEPDev, kag ni Bago City Vice Mayor Andrew Martin Yulo Torres.
Sa nasambit nga meeting, gintalakay ang pagplastar sang agenda, pagtumod sang mga urgent concerns, kag pagpasiguro nga ang patigayunon nga summit ang magadul-ong sa konkreto kag epektibo nga mga solusyon.
Una na ginpahayag ni Congressman Albee, nga ang flood control summit sa Bacolod ang magasentro sa pagtalakay sa master plan sang ciudad kun sa diin ang mga ahensya ang sarang nga makahatag sang ila mga proposal sa flood control master plan.
[Photo from Cong. Albee Benitez Facebook]