Nangin madinalag-on ang ginpatigayon nga Youth Formation kag Workshop sang Diocesan Commision on Youth (DCY) Bacolod nga ginhiwat sa St. John Marie Vianney (Domus Dei), ciudad sang Silay humalin Agosto 22 tubtob Agosto 24, 2025.
Ini ang gintambungan sang kapin 31 ka mga Youth Leaders gikan sa 12 ka mga Bikaryato sang Diocese sang Bacolod nga kabahin sang Diocesan Youth Coordinating Council (DYCC).
Sa pagpanguna sang DCY Bacolod kaupod ang duha ka mga katapo sang ‘Bukal ng Tipan’ ang nasambit nga aktibidad ang may titulo nga ‘Catch the Vision, Live the Dream’.
Tinutuyo sang aktibidad nga mag-improbar ang relasyon sa tunga sang mga DYCC members lakip na ang pagpasanyog sang ila komunikasyon sa isa kag isa.
Nangin sentro sang pila ka mga session kag talks ang mga kinaiya kag kalidad sang mga pamatan-on bilang mga lideres.
Kabahin man diri ang mga tikang kag ihibalo sang mga ini kun paano ang nagakaigo nga pagplano, pagpatigayon sang aktibidad sa ila tagsa ka mga parokya kag bikaryato nga naga-angut sa tinutuyo sang simbahan.
Nagapadul-ong naman sang pagpasalamat ang DCY Bacolod sa pagpanguna ni Rev. Fr. Arnel ‘Pabs’ Pabalate bilang Youth Director sa mga Kaparian sa Diocese sang Bacolod sa ila padayun nga pagsuporta kag pagsakdag sa mga aktibidad sang pamatan-on.