WORLD NEWS- Liwat nga ginpatigayon sang mga himata sang mga ginhostage sang Hamas ang isa ka rally protesta sa pungsod Israel. Nagin tensiyonado ang pag-atubangay sang kapulisan kag sang mga nagaprotesta sa lugar. Nagsunog sang mga goma sang salakyan ang mga nagaprotesta kag ginpangharangan ang pila ka dalan sa Tel Aviv kag Jerusalem. Ginapanawagan sang amo nga mga nagaprotesta nga untaton na ang giyera sa tunga sang Hamas kag Israel. Pila sa mga tawo ang gin-aresto sang awtoridad bangod sa ginpatigayon nga rally protesta.
