Ginapatun-an na sang city government sang Bacolod kon ano ang himuon sa Halandumon Tower.
Sa media interview kay Mayor Greg Gasataya, gin-pahayag sini nga may yara sang team nga magatu-on kon ano ang himuon sa istruktura nga gingastuhan sang ciudad sang ₱4.8 million sang 2019.
May mga indibidwal suno sa alkalde nga naga-suggest nga gub-on na lang ang Halandumon Tower apang nanugunan man si Gasataya sa gingasto para sa pagtukod sang istruktura.
May mga indibidwal man suno kay Gasataya nga naga-suggest nga ibalik ang relo nga ginbutang sa anay rotonda nga ginguba kag gin-ilisan sang Halandumon Tower.
Sa pihak nga bahin, ginpahayag ni Gasataya nga may plano man ang ciudad para sa public plaza kon matapos na ang development projects sang Tourism Infrastructure and Enterprise Zone Authority (TIEZA) kag drainage projects sa palibot sang lugar. | DYHB News