Magapatigayon sang pinasahi nga cooking competition ang Cadiz City kun sa diin magapaindis-indis sa pagluto sang buriring ukon pufferfish bilang main ingredient.
Hiwaton ang cooking competition sa Byernes, Setyembre 5, sa Cadiz City Park sumugod las-9:00 sa aga.
Ang paindisanay ang maga-highlight sang isa sa mga bugay sa Cadiz City, ang buriring, kag pagalutuon ini sa traditional kag innovative nga pamaagi.
Ang 22 ka mga barangay sa Cadiz City ang gin-cluster sa walo kag ang kada grupo ang ginatapuan sang lima tubtob pito ka mga myembro.
Ginpahayag ni Julie Grace Dominguez, city tourism officer kag in-charge sang “buriring” cook-off, nga sa traditional category, obligado ang mga contestant nga maggamit sang dahon sang libas ukon prutas nga santol bilang pampaaslon kag subong man butter ukon margarine para sa fat-soluble flavor.
Samtang sa innovative category, ang kada grupo ang hilway sa pagluto kag pagpresentar sang buriring dish nga bag-o sa panabor sang mga Cadizeños.
Matapos sang judging, may free taste para sa tanan.
“Believe me. Just come, and eat our ‘boriring’ as it tastes like ‘heaven’,” pang-agda ni Mayor Bading Escalante.
*Cadiz City Government Photo