Nag-abiso ang Philippine Embassy in Qatar sa mga Pinoy nga yara sa Doha nga magpabilin nga kalmado, ma-monitor sa mga masaligan nga news resources, kag sundon ang ginamandu sang lokal nga otoridad.
Dugang pa sa ini, nag-abiso man ang embahada nga magpabilin nga sa sulod kag magwa lamang sa publiko nga mga lugar kun kinahanglan.
Ini kasunod nga ginkumpirmar sang tagpamaba sang Qatar Foreign Ministry nga si Majed Al-Ansari pagpang-atake sang Israel sa residential building kun din nagapuyo ang pila ka mga miyembro sang Political Bureau sang Hamas.
Ginakabig naman ini ni Al-Ansari nga isa ka “cowardly attack” kag “criminal assault” nga ginabayolar ang international laws kag norms.
Suno kay Al-Ansari, gilayon man nga nagsugod sa pag-atubang sa insidente kag paghimo sang kinahanglanon nga mga tikang ang mga security forces, civil defense, kag iban pa nga concerned agency agud nga masiguro ang safety sang mga residente kag sa mga malapit nga lugar.
Nagpasalig naman ini nga indi pag-itolerar ang “reckless Israeli behavior” nga nagaguba sa regional security kag sovereignty.
Nagapadayon man ang imbestigasyon sa amo nga insidente.