Gindismiss sang ciudad ang isa ka maestro sa Bacolod City College (BCC) bangud sa reklamo nga sexual harrass.
Sa media interview kay City Legal Officer, Atty. Karol Joseph Chiu ginpahayag sini nga 2-3 weeks ago, gin-issue ni Mayor Greg Gasataya ang decision batok sa maestro.
Suno kay Atty. Chiu, isa ka babayi nga estudyante ang nagreklamo bangud nga gina-text ini sang maestro sang indi manami nga mga istorya. Suno sa City Legal Officer, mga Pebrero pa nagsugod ang reklamo kag gilayon ini ginhatagan pagtamod.
Ang dismissal order sang alkalde ang aprubado sang Board of Trustees sang BCC.
Santo sa desisyon, guilty ang maestro sa grave offense sang pag-request sang sexual favor kabaylo sang passing grade kag favorable academic conditions. Guilty man ini sa light offenses nga unwelcome inquiries or comments angut sa sex life sang indibidwal, sexual flirtation, advances kag propositions.
Dismissal from service kag perpetual disqualification from public service, santo sa Section 51 (A) sang 2017 Rules on Administrative Cases in Civil Service, ang ginpapanog nga penalidad batok sa maestro.
Apang nag-file sang motion for reconsideration (MR) ang maestro kag nabaton ini ni Atty. Chiu sini nga adlaw.