Ginapanawagan ni Bacolod City Mayor Greg Gasataya ang mga biktima sang sexual harassment ukon ano man nga sahi sang pagpang-abuso nga mag gwa kag mag panugid bangud ang ciudad ang handa man nga maghatag sang proteksyon kag suporta sa ila.
Suno kay Gasataya, wala sang lugar sa gobyerno ang mga tawo nga nagapang-abuso sa ila posisyon.
Bangud sini, gina-kondenar sang ciudad ang ano man nga sahi sang sexual misconduct, partikular na ang mga yara sa mga eskwelahan.
Bilang pagsunod sa due process kag maid-id nga imbestigasyon, ginmando sang ciudad ang gilayon nga dismissal sang maestro sa Bacolod City College matapos nila mabaton ang credible complaint naangut sa sexual harassment.
Dugang pa sini nga kinahanglan sang competence kag character pag-abot sa Public Service.