Dakop sa buy-bust operation sa Purok Dol-dol, Barangay Poblacion 2, Sagay City ang isa ka anay PNP Member matapos ini makuhaan sang P306,000 nga balor sang suspected shabu kahapon, September 10,2025.
Base sa report sang Police Regional Office-Negros Island Region (PRO-NIR), ginkilala ang suspek kay Alyas Tata, 30-anyos, babayi, residente sang Purok Rosas De Baybayon, Barangay Old Sagay, Sagay City kag isa ka high-value individual.
Nahibaluan nga ginkakas sa trabaho si Tata halin pa sang October 31, 2023 bangud sang ginaalegar involvement man sini sadto sa iligal nga droga.
Magluwas sa shabu, nakuhaan man ini sang armas luthang.
Nahunong naman karon sa Sagay City PNP ang nasambit nga suspek.