Ginduso sang Bacolod City council ang pag-reconvene sang Bacolod Anti-Smoking Task Force (BASTF).
Ini kadungan sang istrikto nga pag-implementar sang City Ordinance No. 641, Series of 2013 ukon “Bacolod Anti-Smoking Regulation Ordinance”.
Damlag pa, ginpasar sang city council ang resolution nga nagahingyo kay Mayor Greg Gasataya nga istrikto ipatuman ang CO No. 641 kag i-convene ang BASTF.
Si Councilor Caesar Distrito ang principal author sang resolution kag co-author naman sanday Councilors Dindo Ramos, Celia Flor, kag Israel Salanga.
Ginduso man sang konseho ang compliance sang mga establishments sa pagbutang sang Designated Smoking Areas (DSAs) subong man ang pag-address sang paglapta sang mga iligal kag non-compliant cigarette products sa Bacolod.
Sa interview kay Councilor Distrito, ginpahayag sini nga madamo na ang nagareklamo sa mga nagapanigarilyo sa mga establishments, pampubliko nga lugar kag mangin sa mga salakyan. | DYHB News