Pormal na nga ginpirmahan ni President Ferdinand ‘Bongbong’ Marcos Jr. ang Executive Order No. 94 nga nagatukod sang Independent Commission for Infrastructure (ICI), is aka ad hoc fact-finding body nga magatutok sa mga alegasyon, iregularidad, mis-use of funds, kag posible korapsyon sa mga proyekto sang gobyerno partikular sa mga flood control at iban pa nga imprastraktura.
Base sa nasambit nga EO, pamunuan sang isa ka chairperson kag duha ka miembro ang komisyon nga dapat may ikasarang, integridad kag independent.
Ang komisyon ang may gahum nga mag-imbestiga, magpangita sang ebidensya, magrekomendar sang preventive suspension kag magsumiter sang mga report kag rekomendasyon sa mga ahensya para sa madasig nga pagpasaka snag kaso.
Lakip man sa mandate sang ICI ang pagrepaso sa mga proyekto nga may anomaliya, pag-freeze sang assets nga may agut sa korapsyon kag maga-obra sa bulig sang mga eksperto kag resource persons agud siguraduhon nga transparent kag accountable ang proseso.
Sa mandu sang president, nagapanindugan ini batok sa graft kag korapsyon, kag ginpasiguro ang insakto kag maayo nga pagpatuman sang mga proyekto nga importante sa prayoridad kag seguridad sang mga Pilipino.
[Photo from PCO]