Ginlamon sang nagluntad nga sunog ang pila ka mga balay kag mga business establishment sa dalan Lopez Jaena, Barangay 27, ciudad sang Bacolod sini nga kaagahon, Setyembre 12, 2025.
Sa impormasyon nga nakuha sang DYHB gikan sa mga pumuluyo, nag-umpisa ang sunog sa likod nga area sang nasambit nga lugar.
Wala naman sang nasalbar nga mga gamit ang pila sa mga pumuluyo matapos nga nagwa na lang ang mga ini sa ila panimalay sang nag-umpisa ang sunog nga naglawig sang halos tatlo ka oras.
Nagpasalig naman si Bacolod City Mayor Greg Gasataya nga nagpadulong man kaina sa lugar nga magahatag ang ciudad sang maximum sini nga bulig sa nga apektado sang sunog.