Nabungguan sang salakyan ang duha ka pulis kag suspek samtang ginapatigayon ang drug buy bust operation sang Huwebes sang gab-i, Setyembre 11 sa Pana-ad Access Road, Brgy. Mansilingan sa ciudad sang Bacolod.
Base sa rekord sang Bacolod City Police Station 7, samtang ginapatigayon ang operasyon batok kay alias Joefer- subject sa drug buy bust operation, aksidente ini nga nabungguan sang awto amo man ang duha ka pulis nga sanday PCpl. Cubon kag PCpl. Soriba.
Nakaagom sang minor injury sanday PCpl. Cubon kag suspek sa buy bust, kag gindala naman sa ospital si PCpl. Soriba matapos ang nagluntad nga aksidente.
Nahibaluan ang awto ang ginamaneho ni alias Jesus, kun sa diin magluwas sa suspek kag duha ka pulis, nabungguan man sini ang isa ka tricycle nga yara sa lugar.
Samtang, angot naman sa operasyon kontra illegal nga druga, narekober kay Joefer ang ₱136,000 nga balor sang ginapatihan shabu nga preso sa karun sa Bacolod PS7.
Preso man ang driver sang awto bangod sa amo nga aksidente.