Ginapanawagan karon sang Bureau of Fire Protection (BFP) ang tag-iya sang balay nga ginapatihan ginhalinan sang sunog sa Barangay 27 nga magpalapit na sa ila opisina agud ma-interview.
Nahibaluan nga sanday certain Fritz kag Sunshine ang yara sa nasambit nga balay sadto nga mga inoras sa diin suno sa mga saksi, sa second floor sang ila ginarentahan nga balay nag-umpisa ang kalayo.
Sa press conference nga ginpatigayon sang BFP sa pagpanguna ni City Fires Supt. Jenny Mae Masip, ginpahayag sini nga may na-recovee sila nga extension wire sa balay kag may nakasaksak diri nga ceiling fan kag charger.
Ang nasambit nga extension wire ang nakasaksak pa sa tupad sini nga balay bangud nga wala ang mga ini sang kuryente.
Diri ginklaro sang BFP nga electrical ignition ang posible ginhalinan sang sunog base sa ila imbestigasyon.
Nahibaluan nga si certain Ramilyn ang orihinal nga nagapanag-iya sang balay apang ginbaligya niya ini sa wala pa makilal-an nga tawo kag ginpaarkilahan kanday Fritz kag Sunshine.