Ginkumpirmar ni Justice Secretary Jesus Crispin Remulla nga ginbasura na sang Office of the Ombudsman ang reklamo batok sa iya nga ginpasaka ni Senator Imee Marcos.
Ini ang may kaangtanan sa pagpa-aresto kag pagpadala kay anay Presidente Rodrigo Duterte sa International Criminal Court sa The Hague, Netherlands.
Madumduman nga base sa naggwa sa resulta sa hearing sang Senate Committee on Foreign Relations, may gina-alegar paglapas sa pag-aresto sa anay president kun sa diin ginreklamo si Remulla sa paglapas sa Anti-Graft and Corrupt Practices Act, grave misconduct kag conduct prejudicial to the best interest of public service.
Nahibaluan nga si Remulla ang isa sa mga nagsumiter sang application sa pagka-Ombudsman matapos magretiro ni anay Ombudsman Samuel Martires tinalikdan nga July 27.
Una na ginpahayag sang talatapan nga dapat may yara sang clearance ang aplikante para mangin qualified sa posisyon nga pilian ni President Bongbong Marcos agud mangin masunod nga Ombudsman.