Isa ka Japanese high school student ang gin-aresto matapos ginaalegar ginhilu-an sini ang miso soup sang iya tiyo.
Gintuyo sini nga utason ang kabuhi sang iya tiyo bangud nga indi na siya kaagwanta pa sang paghuragok sini kun mag tulog.
Isa ka 18–anyos nga teenager halin sa Ichibara, Japan ang gin-aresto kag ginkasuhan sang attempted murder matapos ginaalegar nag dikdik ini sang dahon halin sa isa ka toxic oleander nga tanom kag gin miksla ini sa miso soup sang iya tiyo.
Pahayag sang teenager sa otoridad nga malawig na siya naga ugtom sang kagahod sang huragok sang iya tiyo rason nga ginbuhat niya ini.
Base naman sa police report, July 17 sang nagapanyaga sila, na-notice na sang tiyo ang kinalain sa sabor sang iya ginahigop nga sabaw kag nadupla niya ini.
Pero sa gihapon, nabatyagan sini ang pila ka mga sintoma kaangay sang pagpalaman-ol sang bibig kag palanakit sang tiyan.
Matapos ini gindala sa ospital, nagpatigayon sang imbestigasyon ang kapulisan kag didto natukiban nga may makamamatay nga toxic substance nga nakita sa yahong sang miso soup.