Mas mataas sang tatlo ka porsyento sa bulan sang Hulyo 2025 ang cash remittances sang mga Pilipino nga nagatrabaho sa sagwa sang Pilipinas kumparar sa pareho nga bulan sang nagligad nga tuig suno sa Bangko Sentral ng Pilipinas (BSP). Ginpahayag sang BSP nga yara sa $3.18 billion ang cash remittances sa nasambit nga bulan sini nga tuig kag mas mataas ini sang $3.08 billion sang 2024. Ang land-based overseas workers ang naka-remit sang $2.59 billion samtang ang sea-based ang naka-remit $585 million. Ang personal remittances ang nagsaka man sang 3.1% sa bulan sang Hulyo nga ukon $3.53 billion kumparar sang nagligad nga tuig sa pareho nga bulan nga yara lang sa $3.43 billion Kalabanan sa remittances humalin Enero tubtob Hulyo ang gikan sa Estados Unidos, Singapore, kag Saudi Arabia.
