Temporaryo nga gin-ban sang gobyerno sang Pilipinas pinaagi sa Department of Agriculture (DA) ang pag-import sang mga domestic kag wild birds lakip man ang poultry products nga gikan sa pungsod Argentina. Ini bangud sa kumpirmado nga outbreak sang highly pathogenic avian influenza (H5N1) bird flu subtype sa nasambit nga pungsod nga una na-detect sa northern region sang Buenos Aires tinalikdan Agosto 17 sini nga tuig. Suno kay Secretary Francisco Tiu Laurel Jr., ini ang mando ni President Ferdinand Bongbong Marcos Jr. sa DA agud maprotektahan ang food security amo man ang public health.
