Naglab-ot sa 40 tubtob 50 porsyento ang pagnubo sa income sang Philippine Amusement and Gaming Corporation (PAGCOR) matapos nga ginpakakas ang mga online gambling sa mga e-wallet ukon digital wallet.
Suno kay PAGCOR Assistant Vice President Jessa Mariz Fernandez, na-record ang pagnubo sang income sa sulod sang duha ka semana matapos nga ginpauntat ang mga e-wallet nga magkonekta sa mga online gambling platforms.
Ini ang base sa datos gikan sa accounting kag Electronic Gaming Licensing Department sang PAGCOR.
Kun madumduman, ginpa-unlink sang Bangko Sentral ng Pilipinas ang mga e-wallet sa online gambling platforms bangud sa negatibo sini nga epekto sa mga Pilipino.