Agud indi na masulit ang lapnagon nga sunog sa Brgy. 27 ginduso sang Sangguniang Panlungsod sang Bacolod nga magpatuman sang safety and preventive measures ang Bureau of Fire Protection (BFP) sa mga red zones.
Isa ka resolution nga gin-author ni Councilor Em Ang ang ginpasar sang city council angut diri.
Nagpasar man sang resolution ang council nga nagapalab-ot sang simpatiya kag solidarity para sa mga fire survivors.
Sang nagligad nga administrasyon, may yara sang 119 ka red zones nga natumod ang BFP sa ciudad sang Bacolod.
Ang red zones amo ang mga lugar nga mabudlay sudlon sang mga firetrucks kag bombero sa tion sang sunog.