Ang Corazon Locsin Montelibano Memorial Regional Hospital, ang una nga ginbisita ni Senator Risa Hontiveros nga pampubliko nga ospital sa pungsod Pilipinas bilang bag-o nga Chaiperson sang Committee on Health.
Ginpahayag ni Senator Hontiveros, nga ginadihon sa karun sang iya komitiba ang agenda angot sa ikaayong lawas, kag iya ginalook forward ang nauna nga 100 days bilang chairperson.
Sa pagbisita sang senadora sa ospital luyag sini niya mahibaluan ang sitwasyon sang mga medical staff kag pasyente, agod matumod kun paano sila masupportahan pinaagi sa service delivery network sa public health system.
Luyag man ni Hontiveros mahibaluan ang sitwasyon sang pampubliko nga ospital agod matskeyar ang promisa sang universal health care sa pungsod.