Mga imbolbado sa aksidente sa ciudad sang Victorias magaatubangay bwas nga adlaw
Magaatubangay bwas nga adlaw, Setyembre 20 ang mga imbolbado sa nagluntad nga aksidente sa Barangay 14 sa ciudad sang Victorias suno kay PLt. Eduardo Oyanib, Deputy Officer sang Victorias Component City Police Station.
Ang aksidente ang nagluntad sini lamang nga hapon, Setyembre 19.
Ginpahayag ni Oyanib nga yara pa sa ospital ang mga imbolbado sa aksidente para mahatagan sang nakaigo nga pagbulong matapos nga nakaagom ang mga ini sang pilas.
Suno kay Oyanib, nagluntad ang aksidente matapos nga na-miscalculate sang driver sang pick up ang distansya sini kun diin pag-abot sa intersection sang nasambit nga lugar nakabunggo ini sa tricycle.
Ini ang nagresulta sa paghulog sang mga pasahero sa tricycle lakip man ang driver.