Nagapati si Atty. Renecito Novero sang Concerned Citizen Council nga ang pagpakigbahin sang mga pumulyo sa rally protest nga ginpatigayon sa nagkalain lain nga lugar sa Bacolod subong nga adlaw, Setyembre 21, 2025 representante sang isa ka sentimyento sang bug-os nga Pilipinhon sa pagpakigbato sa korapsyon sa gobyerno.
Suno kay Novero, apisar nga representante lang ini sang sentimyento, nagapagayag ini sang kaugot sang mga tawo sa wala pagpugong sang korapasyon kag kinawatay sa gobyerno.
Ginpahayag ni Novero nga nagamanggaranon ukon naga-super rich nga daw indi gid mabusog kag sige sagihapon ang pagpangawat sang mga nagapungko sa gobyerno.
Dugang pa sini, daw wala kahadlok sa mahal nga Diyos kag wala sang kahuya sa tawo.
Nagalaum si Novero nga ini tanan mabatian kag mabatyagan kag mahuya ang mga nagapangawat sa gobyerno kag mahimo ma-resign na ang mga ini.