Maga-organisa sang spiritual activity ang simbahan katoliko sa Sebastian Cathedral sini nga September 26,2025 agud nga pangamuyuan ang mga tawo nga naapektuhan bangud sang flood control projects kasubong man mga pulitiko nga responsable sa mga anomaliya sa ini nga proyekto.
Sa interview sang DYHB kay Rev. Fr. Mao Buenafe, ginpahayag sini nga yara sa 7,000-10,000 ang ila estimated nga nagtambong sa rally kahapon nga adlaw.
Dugang pa sini, nga una pa lang ato nga pagtipon-tipon sang grupo kag sang mga pumuluyo nga nagasinggitan kontra korapsyon.
Sa pihak nga bahin, bilang convenor sang Council for Concerned Citizens (C3), ginpakigbahin man ni Fr. Mao ang ila ginaubra karon nga inspection sa mga flood control projects sang ciudad sa San Antonio Abad kag sa Loygoy creek sa Granada.
Suno kay Fr. Mao magluwas sa C3 nagpadala man sang representatives nanday Mayor Greg Gasataya kag Congressman Albee Benitez agud mag-upod sa nasambit nga inspection.